ನಿನಾದ

ಜನ ಮನಕೆ ಸಾಹಿತ್ಯದ ಹೂರಣ

ಹೊಸ ನಾಳೆಗೆ… ಮಾರ್ಚ್ 2, 2010

ಹೊಸ ನಾಳೆಗೆ...

ದೀಪದ ಬುಡದಲ್ಲೇ
ಕತ್ತಲೆಯಿದೆ-ಕತ್ತಲೆಯ
ಬಸಿರೊಳಗೆ ಬೆಳಕಿದೆ
ಆ ಬೆಳಕು ಹರಡುವುದು
ಹೊಸ ನಾಳೆಗೆ…

ನೀನಿತ್ತ ಮುತ್ತುಗಳ
ರಂಗೋಲಿ ಇಟ್ಟಿರುವೆ
ಭಾವಗಳ ರಂಗನ್ನು
ಅದರೊಳಗೆ ತುಂಬಿರುವೆ
ಹೊಸ ನಾಳೆಗೆ…

ನಾಳೆಯ ಹೂಗಳಿಗೆ ನೀ
ಗಂಧವಾಗಲೆಂದು ಕನಸುಗಳ
ನನ್ನೊಳಗೆ ಭಂಧಿಸಿರುವೆ
ಆ ಸ್ವಾರ್ಥ ಕನಸುಗಳಿಗೆ
ರಾತ್ರಿಯೆಲ್ಲಾ ಹಗಲಾಗಿಸಿ
ಬಣ್ಣ ತುಂಬಿದೆ

ಬರುವ ಹೊಸನಾಳೆಗೆ
ಬೆಳಕೇ ಅರಳಿ ನಿಂತ ಪರಿಗೆ
ಕತ್ತಲು ಬೆಳಕಾದ ಘಳಿಗೆ
ಹೊರಟು ನಿಂತಿದೆ ನೆರಳ ಮೆರವಣಿಗೆ
ನನ್ನೆಲ್ಲ ನೋವು-ನಲಿವುಗಳ, ಜೀವ-ಸಾವುಗಳ
ಭಾವ-ಬದುಕುಗಳ ನಾವೆಯಲಿ
ಕಾಯುತ್ತಿರುವೆ ಹೊಸ ನಾಳೆಗೆ.

Advertisements